7 Май 2025 jıl
828
Respublika jumısshı toparı tárepinen xalqımızdıń sud huqıq máselelerinde qıynap kiyatırǵan mashqalaların unamlı sheshiw maqsetinde Nókis qalasında Xojeli, Nókis, Taqıyatas rayonları hám Nókis qalası puqaralarınıń múrájatları boyınsha kóshpeli qabıllawı ótkerildi
Usı
jıldıń 6-10-may kúnleri respublikalıq Jumısshı topar tárepinen puqaralardıń
múrájatları hám xalıqtı qıynap kiyatırǵan mashqalalarına sheshim tabıw boyınsha
orınlarda kóshpeli qabıllawlar ótkeriliwi belgilengen.
6-may
kúni Nókis qalasındaǵı «Mono oray» imaratında Xojeli, Nókis, Taqıyatas
rayonları hám Nókis qalası puqaralarınıń sud-huqıq, sociallıq-ekonomikalıq jáne
qurılıs hám kommunallıq tarawlar boyınsha múrájatleri kórip shıǵıldı. Onda
respublika jumısshı toparı aǵzası, Ózbekstan Respublikası Ishki ishler
ministrligi Shólkemlestiriw departamenti baslıǵı orınbasarı, polkovnik
Maxamadali Ismoilov hám Qaraqalpaqtan Respublkası Ishki isler ministri Baxtıyar
Tórebekovlar puqaralardıń Ishki isler organlarına baylanıslı múrájatların
qabılladı. Qabıllawda múrájatlardıń derlik kópshiligi sol jerdiń ózinde unamlı
sheshim taptı. Úyreniw ushın waqıt talap etiletuǵın múrájatlarǵa múddet
belgilenip, orınlanıwı qadaǵalawǵa alındı. Ayrım múrájat iyelerine huqıqıy
másláhát hám túsinikler berildi.
