9 Апрел 2025 jıl
988
Nókis "Temurbekler mektebi" áskeriy-akademiyalıq liceyinde Qaraqalpaqstan Respublikası Konstituciyası qabıl etilgen kúnniń otız eki jıllıǵı múnásibeti menen "Ushırasıw" bolıp ótti.
Ushırasıwda Qaraqalpaqstan Respublikası Ministrler Keńesi baslıǵınıń orınbasarı, Qaraqalpaqstan Respublikası sudınıń sudyası, Qaraqalpaqstan Respublikası Ishki isler ministrliginiń operativ-xızmet bóliminiń baslıǵı, óz bayanatları menen qatnastı. Ushırasıw dawamında oqıwshılardıń huqıqıy bilimlerin bayıtıw hám konstituciyanıń tiykarǵı maqset-wazıypaları haqqında tolıq túsinikler berildi. Qızǵın hám ashıq pikirlesiw túrinde ótken sáwbet jaslarda puqaralıq juwapkershilik, siyasiy processlerge sanalı qatnas hám Watanǵa sadıqlıq sezimin bekkemlewge xızmet etti. Sonday-aq, ushırasıw juwmaǵında "Konstituciya bilimdanı" tańlawınıń jeńimpazları hám liceydiń bir qatar úlgili oqıwshıları sıylıqlandı.
