Qaraqalpaqstan Respublikası Ishki isler ministrliginde mektep pitkeriwshileriniń sońǵı qońıraw ilajların ótkeriw, sonday-aq oqıwshılardıń jazǵı dem alısında balalar dem alıw hám sawallandırıw oraylarında qáwipsizlik qaǵıydaların támiyinlew máselelerine baǵıshlanıp májilis ótkerildi
Májiliske
Qaraqalpaqstan Respublikası Ministrler Keńesi baslıǵınıń orınbasarı Bayrambay
Ótemuratov, Qaraqalpaqtan Respublikası Ishki isler ministri polkovnik Baxtiyar
Torebekov hám Qaraqalpaqstan Respublikası Ayrıqsha jaǵdaylar basqarması baslıǵı
podpolkovnik Azamat Davletov, sonday-aq tiyisli taraw wákilleri qatnastı. Onda
tiykarınan mekteplerde sońǵı qońıraw ilajlarında qáwipsizlik qaǵıydaların
támiyelew, hár bir mektepke bul boyınsha tiyisli xızmetkerlerdi bólistiriw
máseleleri sóz etildi. Sonıń menen birge ilajda oqıwshılardıń jazǵı dem
alısların mazmunlı ótkeriw ushın óz jumısın alıp baratuǵın balalar dem alıw hám
sawallandırıw oraylarında qáwipsizlik qaǵıydalarına ámel etiliwin támiynlew
boyınsha da tiyisli juwapkerlerge tapsırmalar berildi. Sonday-aq belgilenbegen,
qadaǵan etilgen orınlarda shomılıw jaǵdaylarınıń aldın alıw, bul baǵdarda
úgit-násiyat hám profilaktikalıq reyd ilajların turaqlı ótkeriw máselelerine de
itibar qaratıldı. Májiliste
sóz etilgen máseleler boyınsha tiyisli juwapkerlerge wazıypalar belgilep
berildi.
