10 Апрел 2025 jıl
955
Taxtakópirde «Ishki isler kubogi»na start berildi!
Taxtakópir rayonında jaslar arasında salamat turmıs tárizin úgit-násiyatlaw, olardı sportqa keńnen tartıw hám «Bes baslama olimpiadası» sheńberindegi ilajlardı nátiyjeli shólkemlestiriw maqsetinde gezektegi áhmiyetli ilajǵa start berildi. Sporttıń «Voleybol» túri boyınsha «Ishki isler kubogi»nıń máhálle basqıshı baslandı. Házirgi waqıtta máhállelerdegi 16-21 hám 22-30 jas kategoriyasındaǵı er balalar hám qızlar arasında qızǵın bellesiwler bolıp ótpekte. Bul sport ilajları tek ǵana jaslar arasında salamat básekini emes, al doslıq, jámáátlik hám ruwxıy awızbirshilikti bekkemlewge de xızmet etpekte.
