12 Сентябр 2025 jıl
341
Bozataw rayonında “Qáwipsiz kibermákan” operativ-profilaktikalıq úgit-násiyat aylıǵı sheńberinde ámelge asırılıwı belgilengen jumıslar haqqında májlis bolıp ótti.
Bolıp ótken májiliske Bozataw rayonı hákimi B.Ubbiniyazov, rayon prokurorı N.Saparov, rayonlıq Ishki isler bólimi baslıǵı U.Kurbanbaeva hám tiyisli taraw wákilleri, sonday-aq, máhálle jetiligi qatnastı. Bunda tiykarınan, “Qáwipsiz kibermákan” operativ-profilaktikalıq úgit-násiyat aylıǵı sheńberinde ámelge asırılatuǵın jumıslar, sonday-aq, sociallıq tarmaqlarda keń tarqalıp atırǵan aldawshılıq, yaǵnıy kiber jınayatshılıqtıń aldın alıw boyınsha májilis qatnasıwshılarına keń túrde túsinik jumısları alıp barıldı. Bunnan soń, máhálle jetiligine aymaqlarda puqaralar arasında úgit-násiyat jumısların elede kúsheytiw boyınsha anıq tapsırmalar belgilep berildi.
