Qaraqalpaqstan Respublikası Ishki isler ministrligi Jámiyet qáwipsizlik xızmeti Huqıqbuzarlıqlar profilaktikası basqarması baslıǵı tárepinen Beruniy rayonında jınayatshılıq hám huqıqbuzarlıqlardıń aldın alıw baǵdarındaǵı alıp barıp atırǵan jumısları úyrenildi
Usı jıldıń 6-sentyabr kúni ministrliktiń Jámiyet qáwipsizlik xızmeti Huqıqbuzarlıqlar profilaktikası basqarması baslıǵı podpolkovnik Farxad Urinbaevtıń huqıqbuzarlıq hám jınayatlardıń erte aldın alıw baǵdarındaǵı jumıslar Beruniy rayonı mısalında úyrenildi. Dáslep Ishki isler bólimi xızmetkerleriniń ámelge asırılǵan is-ilajleri boyınsha esabatları tıńlanıp qızıl kategoriyaǵa kirgen máhállelerde jumıslardı kúsheyttiriw boyınsha juwapker xızmetkerlerge tapsırmalar berildi. Onnan soń Máhálle jetiligi, profilaktika inspektorınıń is-hújjetleri úyrenilip anıqlanǵan kemshilikler ornında saplastırıldı. Sonday-aq rayon aymaǵındaǵı mekteplerde oqıwshılardıń sabaqlarǵa qatınası jas óspirimler arasında huqıqbuzarlıqlardıń erte aldın alıw baǵdarında inspektor psixologlardıń jumısları úyrenildi. Bul baǵdardaǵı ámelge asırılıwı lazım bolgan jumıslar respublika boylap dawam etedi
