Kiberjınayatlardıń aldın alıw temasında seminar shólkemlestirildi.
Qaraózek rayonı hákimliginde, rayon hákimi Anvar Baymuratov, prokuratura hám Qaraqalpaqstan Respublikası Ishki isler ministrliginiń kiberqáwipsizlik basqarma xızmetkerleriniń qatnasıwında, ózin-ózi basqarıw uyımları xızmetkerlerine seminar ótkerildi. Onda sońǵı jıllarda, kiberjınayatshılıq hám zamanagóy kiberqáwip-qáterler, internet tarmaqları arqalı júz berip atırǵan jınayatlar sanı artıp atırǵanı, bul baǵdardaǵı jumıslardıń nátiyjeliligin arttırıw, puqaralardı kiberjınayatlardıń is-háreketlerinen xabardar etiw, sonday-aq, bank plastik kartası qarjıların talan-taraj etiw, jeke maǵlıwmatlardı iyelewge baylanıslı hár bir jaǵday boyınsha tiyisli taraw xızmetkerleri túsinik berip ótti. Seminar dawamında qatnasıwshılar ózlerin qızıqtırǵan sorawlarına juwap aldı. Seminar jumısına Qaraqalpaqstan Respublikası Joqarǵı Keńesiniń komitet baslıǵı Sh. Ótemisov qatnastı.
