27 Октябр 2025 jıl
451
Nókis rayonında Ishki isler xızmetkerleri kúni belgilendi
25-oktyabr - Ishki isler xızmetkerleri kúni múnásibeti menen Nókis rayonında bayram saltanatı bolıp ótti. Bayram ilajına taraw nuranıyları hám Ishki isler xızmetkerler wákilleri qatnastı. Ilajda rayon hákimi Z.Zaytov Ishki isler tarawı pidayıların bayram menen qutlıqlap, olardıń jámietlik tınıshlıq hám qáwipsizlikti támiyinlewdegi xızmetlerin joqarı bahaladı. Ilaj dawamında bir qatar taraw wákilleri rayon hákimligi hám rayon prokuraturası atınan húrmet jarlıqları menen sıylıqlandı. Sonday-aq, veteran xızmetkerlerge de ayrıqsha húrmet kórsetilip, estelik sawǵaları tapsırıldı.
