Úyreniw dawamında, Ózbekstan Respublikası Prezidentiniń tarawǵa baylanıslı Párman hám Qararlarınıń orınlanıwı hám Ózbekstan Respublikası Bas prokuraturası hám Ishki isler ministrliginiń 11.03.2025-jıldaǵı Birgeliktegi kórsetpesiniń orınlanıwın tolıq támiyinlew boyınsha ámelge asırılıp atırǵan jumıslar tekserilip shıǵıldı. Bunnan tısqarı, ishki isler bólimi xızmetkerleriniń jasaw sharayatları hám shańaraqlıq jaǵdayı úyrenilip, jaqın tuwısqanları menen sáwbetlesiwler ótkerildi. Sonday-aq, Ózbekstan Respublikası Prezidentiniń 2024-jıl 23-sentyabrdegi "Kámbaǵallıqtı qısqartıw hám xalıqtıń turmıs abadanlıǵın arttırıw baǵdarındaǵı ilajlardı jańa basqıshqa alıp shıǵıw haqqında"ǵı PQ-330-sanlı qararınıń orınlanıwın támiyinlew maqsetinde Qaraózek rayonı "Mádeniyat" APJǵa biriktirilgen "Máhálle jetiligi" aǵzaları menen birgelikte máhálledegi kem támiyinlengen shańaraqlardıń halınan xabar alınıp, olardıń sociallıq mashqalaları úyrenildi. Máhálle juwapkerlerine kem támiyinlengen shańaraqlardıń ózin-ózi bánt etiwi hám isbilermenlikti jolǵa qoyıwına jáne qıytaq jerlerden nátiyjeli paydalanıwına járdemlesiw boyınsha tiyisli kórsetpeler berilip, ámeliy járdem kórsetildi.