Qaraqalpaqstan Respublikası Ishki isler ministriniń orınbasarı - Tergew basqarmasınıń baslıǵı tárepinen Xojeli rayonınıń kriminogen jaǵdayı awır hám "qızıl" kategoriyaǵa túsken "Tınıshlıq" máhállesinde úyreniw jumısları alıp barıldı.
Ózbekstan
Respublikası Prezidentiniń 03.01.2025-jıldaǵı "2025-jılda Respublika
máhállelerinde qáwipsiz ortalıqtı jaratıw hám huqıqbuzarlıqlardıń erte aldın
alıw sistemasınıń nátiyjeliligin bunnan bılay da arttırıw boyınsha ilajlar
haqqında"ǵı PP-1-sanlı Qararı tiykarında ámelge asırılıp atırǵan jumıslar
úyrenilip, tiyisli kórsetpeler berildi.
Sonday-aq,
kriminogen jaǵdayı qıyın yamasa awır máhállelerde jınayachılıqtıń erte aldın
alıw boyınsha nátiyjeli sistemanı jolǵa qoyǵan hám máhálledegi kriminogen
jaǵdaydı turaqlastırıwǵa erisken jáne óz xızmet wazıypasın juwapkershilik penen
shın kewilden, hadal orınlaǵan, unamlı nátiyjelerge erisken, kásipleslerine
órnek bolǵan bir topar xızmetkerler Ministrliktiń húrmet jarlıqları hám estelik
sawǵaları menen sıylıqlandı.
