Qaraqalpaqstan Respublikası Ishki isler ministriniń orınbasarı - Tergew basqarması baslıǵınıń basshılıǵında Tergew basqarması xızmetkerleri tárepinen Ámiwdárya, Taqıyatas hám Xojeli rayonı ishki isler bólimleriniń jumıs iskerligi úyrenildi.
Úyreniw dawamında, Ózbekstan Respublikası Prezidentiniń tarawǵa baylanıslı Párman hám Qararlarınıń orınlanıwı hám Ózbekstan Respublikası Bas prokuraturası hám Ishki isler ministrliginiń 11.03.2025-jıldaǵı Birgeliktegi kórsetpesiniń orınlanıwın tolıq támiyinlew boyınsha ámelge asırılıp atırǵan jumıslar tekserilip shıǵıldı. Sonday-aq, Ózbekstan Respublikası Ishki isler ministriniń 24.04.2024-jıldaǵı "Ishki isler uyımlarında fizikalıq hám yuridikalıq táreplerdiń múrájatları menen islesiw sistemasın jetilistiriw haqqında"ǵı 200-sanlı buyrıǵına tiykarlanıp puqaralardıń múrájatları menen islesiw jaǵdayı úyrenilip, tiyisli kórsetpeler berildi. Bunnan tısqarı, ishki isler bólimi xızmetkerleriniń is júrgiziwdegi tergewge shekem tekseriw hújjetleri, jınayat isleri hám ashılmaǵan jınayat isleriniń jaǵdayı úyrenilip, olar boyınsha belgilengen múddetlerde nızamlı qarar qabıl etiwleri boyınsha tapsırmalar berilip, orınlanıwı qadaǵalawǵa alındı.
